مـــا اروع ان يكون لديك القدره ان تقرر ان تمتلك حوض سمك
فبكل تأكيد ستجد الروعه في كل شئ
فـــان عالم الأسماك له روعته بكل تأكيد
وهذه الروعه ممتعه جدأ جدأ جدأ
فـــى هذا الموضوع سنتحدث عن
كيفية البدايه في هذه الهوايه الرائعه
اولأ
خطوات تكوين الحوض وما به من اشياء ومكونات
1 - الحوض
يجب ملاحظة الاتي بما انها اول مره هيكون عندنا حوض
ان نحدد مكان الحوض .. ويشترط فيه الاتي
ان لا يكون معرض لضوء الشمس المباشر حتي لا تتكون
الطحالب الخضراء وتعطي عتامه للحوض فتحجب الرؤيه
ان يكون بعيد عن تيرات الهواء المباشر وما تحمله من اتربه
وميكروبات تكون ضاره للسمك خصوصا لو كان الحوض مكشوف
ان يكون في مكان مناسب من الناحيه الجماليه
ان يوضع علي حامل من حديد او خشب
بحيث يكون متينأ وله القدره علي تحمل وزن الحوض
يجب ان يكون تحت قاعدة الحوض قطعه من المطاط او البلاستيك
او الفلين حتي لا تتعرض قاعدة الحوض الي الشرخ
مقاس الحوض
ممكن 40 * 30 *20 وده هيكون صغير
ممكن 70 * 40 * 30 وده كويس ممكن نبتدي بهذا
وممكن لو كبير يبقه متر * 40 * 40 وده كبير وكويس جدأ
واكيد فيه اكبر من كده بس لا ينصح في البدايه نهائي
مستلزمات الحوض
لو الحوض مشتريه جاهز يبقي تمام جدأ
لأنه بيكون معه كل المتعلقات الأساسيه
واذا لم يكن وده الأغلب طبعأ يبقي المستلزمات كالأتي
غطاء الحوض وده اكيد بيكون عند محل السمك
وده طبعا علي حسب مقاس الحوض فـــ الغطاء هيكون قده
فرش الحوض .. ممكن يكون جرش مكرونه
المتور وده من اجل ادخال الهواء للسمك
فلتر وده لنظافة الحوض وفيه انواع كتير الأفضل الفلتر البور
السخان وده عشان نظبط درجة الحراره
الاضاءه ودي اكيد بعد مانشتري الغطاء
بيتركب الاضاءه فيه من اجل اضاءه الحوض
وده ممكن تقول لبتاع السمك يركبهولك او اي كهربائي
الزرع ممكن يكون زرع طبيعي او ممكن زرع صناعي
ويفضل في الاول صناعي لان الزرع الطبيعي يجب الاهتمام بيه
لعب الحوض ممكن طبعا تجيب لعبه حوض من اجل الشكل
وايضا الخشب المتحجر يعطي شكل رائع الشكل
اشياء اخري
الخرطوم والسكريه وده وظيفتهم انهم بيتوصلوا بـــ الموتور
من اجل ادخال الهواء الي السكريه او العب لو وجد
الترمومتر وده من اجل معرفة درجة حراره الحوض
وطبعا فيه ترمومتر مخصص لأحواض السمك
الدواء بما ان الوقايه افضل من العلاج
فيفضل ان نحضر دواء السمك ايضا ووضع كمية الوقايه فقط
الطعام وده متوفر بانواع كتير وسوف يتم شرح الغذاء تفصيليأ قادمأ