منتديـات أوس ســـــات

 

            

       ضع اعلانك هنا   

القنوات العاملة على سيرفر IPTV لدينا : قنوات بين سبورت 1 - 10 - قناة MBC + HD Drama قناتي ابو ظبي الرياضية 3 و 4 قناة انمل بلانت وقنات ديسكفري - وقنوات اليوم والصفوة وفن والمسلسلات وسينما1 و2 وفن

اخر عشرة مواضيع :         بالصور .. تحديد عمر الاغنام عن طريق التسنين (اخر مشاركة : Fawaz555 - عددالردود : 6 - عددالزوار : 4107 )           »          معلومات عن الرومى (الحبش) (اخر مشاركة : Fawaz555 - عددالردود : 3 - عددالزوار : 2495 )           »          Supreme رasual Dating Real-life Girls (اخر مشاركة : DJEBBAR - عددالردود : 1 - عددالزوار : 72 )           »          Be free in your desires, night games. (اخر مشاركة : cooprago - عددالردود : 1 - عددالزوار : 27 )           »          Top-notch رasual Dating - Verified Ladies (اخر مشاركة : laflaf - عددالردود : 0 - عددالزوار : 12 )           »          Optimal رasual Dating - Living Women (اخر مشاركة : neo36 - عددالردود : 0 - عددالزوار : 18 )           »          Finest رasual Dating - Authentic Maidens (اخر مشاركة : khalidabuali - عددالردود : 0 - عددالزوار : 17 )           »          Supreme رasual Dating - Real-life Females (اخر مشاركة : nasersaker - عددالردود : 0 - عددالزوار : 8 )           »          Unsurpassed رasual Dating - Live Women (اخر مشاركة : mspc_net - عددالردود : 0 - عددالزوار : 16 )           »          موقع فيه كل الأقمار الفضائيه حول العالم باسم القمر او البلد او بالدرجه غرب او شرق (اخر مشاركة : elhelu - عددالردود : 0 - عددالزوار : 24 )           »         

 

غزه تحت النار

 

العودة   منتديات أوس ســـــــات > ][][§¤°^°¤§][الـمـنـتـديـات الـعـامـه و الثقافيه ][§¤°^°¤§][][ > منبر الحرية والديمقراطية
اسم المستخدم
كلمة المرور
التسجيل التعليمات التقويم مركز رفع الملفات اجعل كافة الأقسام مقروءة

منبر الحرية والديمقراطية عبر عن رأيك بكل حرية

إضافة رد
 
أدوات الموضوع انواع عرض الموضوع
قديم 25-01-12, 12:35 PM   رقم المشاركة : 1
معلومات العضو
قيصر مصر
كبير مشرفين القسم الاسلامى
 
الصورة الرمزية قيصر مصر
 
إحصائية العضو





قيصر مصر غير متصل

 

افتراضي الثورة بدأت ببيت شعر أبى القاسم الشابى: إذا الشعب يوما أراد الحياة ودخلت عامها الثانى



الثورة بدأت ببيت شعر أبى القاسم الشابى: إذا الشعب يوما أراد الحياة ودخلت عامها الثانى مع كلمات الأبنودى فى ضحكة المساجين

الأربعاء، 25 يناير 2012 - 11:17
ميدان التحرير
وائل السمرى
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
هى كلمات لكنها تحمل فى داخلها غضبا وحياة وحبا ومعرفة وحلما، دارت فى عقول الشعراء ثم انسابت على ألسنتهم، وأينعت فوق صفحاتهم، قالت القصيدة ما لم تقله الكاميرا، وما لم يرصده المحللون، فلم تكن الثورة المصرية تمردا على الأوضاع السياسية البالية فقط، لكنها بعثت الروح فى العديد من الشعراء، وليس بغريب أن يزدهر الشعر بعد الثورة أو فى أثنائها، وهى الثورة التى بدأت ببيت شعر حملته رياح الغرب القادمة من تونس، فترنم المتظاهرون ببيت شعر أبى القاسم الشابى: «إذا الشعب يوما أراد الحياة فلابد أن يستجيب القدر»، ولا ينسى الثوار ذلك الفيديو الذى يقف فيه أحد شباب الثورة وهو يحاول أن يكرر هذا البيت لبعض عساكر الأمن المركزى لعلهم يحفظونه، ولهذا انفجرت ينابيع الشعر بالتزامن مع الثورة، ووجد كل شاعر فى الثورة ضالته، حتى مع انتكاسات الثورة كان الشعر هو الملاذ والملجأ والمعين والمؤنس، وليس غريبا أن ترتد للشعر روحه ومصر تتحدث عن نفسها، وهنا نحاول أن نجمع أجمل ما قيل شعرًا فى الثورة وهى تدخل عامها الثانى.


منذ الساعات الأولى للثورة المصرية، كان الأبنودى يحايل الشعر ويمهد روحه لاستقباله، هو يعرف مقدمات الثورات، ويعرف نتائجها، وبخبرته كانت قصيدة «الميدان» التى رأت النور فى الأول من فبراير حينما نشرتها «اليوم السابع» هى أغنية الثورة الأولى، و«منافستو» الثوار، ولم يكتف الأبنودى بـ«الميدان» ليثبت أنه شاعر الثورة، وكان أسرع وأروع الشعراء تجاوبا مع أحداثها ومنعطفاتها، ولهذا كتب عدة قصائد هذا العام، منها «لسه النظام مسقطش» و«ضحكة المساجين» التى كتبها اعتراضا على حكم العسكر، وتنديدا بالمحاكمات العسكرية، وفيما يلى بعض المقاطع من القصيدتين.


أجمل قصائد الثورة المصرية.. «الشاعر» ينزل فى الميدان
الميدان..
أيادى مصرية سمرا ليها فى التمييز
ممدودة وسط الزئير بتكسّر البراويز
سطوع لصوت الجموع شوف مصر تحت الشمس
آن الآوان ترحلى يا دولة العواجيز
عواجيز شداد مسعورين
أكلوا بلادنا أكل.. ويشبهوا بعضهم نهم وخسة وشكل
طلع الشباب البديع قلبوا خريفها ربيع
وحققوا المعجزة.. صحّوا القتيل من القتل
اقتلنى! قتلى ما هيعيد دولتك تانى
باكتب بدمى حياة تانية لأوطانى
دمى ده ولّا الربيع؟ الاتنين بلون أخضر
وبابتسم من سعادتى ولّا أحزانى؟
وبيسرقوك يالوطن قدامنا عينى عينك
ينده بقوة الوطن ويقولى: قوم.. فينك؟!
ضحكت علينا الكتب.. بعدت بنا عنك
لولا ولادنا اللى قاموا يسددوا دينك يرجع لها صوتها.. مصر تعود ملامحها
تاخد مكانها القديم والكون يصالحها
عشرات سنين تسكنوا بالكدب فى عروقنا؟
والدنيا متقدمة ومصر مطرحها
كتبتوا أول سطور فى صفحة الثورة
وهما عُلما وخُبرا مِداورة ومناورة
وقعتوا فرعون هرب من قلب تمثاله
لكن جيوشه مازالوا يحلمه ببكره
مين كان يقول ابننا يطلع بنا من نفق
دى صرخة ولّا غنا؟ وده دم ولّا شفق؟
أتاريها حاجة بسيطة الثورة ياخوانّا
مين اللى شافها كده؟ مين أول اللى بدأ؟
مش دول شبابنا اللى قالوا كرهوا أوطانهم؟!
ولبسنا توب الحداد وبعدنا قوى عنهم؟!
همّا اللى قاموا النهارده يشعلوا الثورة
ويصنّفوا الخلق مين عانهم ومين خانهم
يادى الميدان اللى حضن الفكرة وصهرها
يادى الميدان اللى فتن الخلق وسحرها
يادى الميدان اللى غاب اسمه كتير عنه وصبرْها
ما بين عباد عاشقة وعباد كارهة
أتاريك جميل ياوطن مازلت وهاتبقى
زال الضباب وانفجرت بأعلى صوت.. لأه
حرضتنا نبتسم ودفعت إنت الحساب
وبنبتسم بس بسمة طالعة بمشقة
واحنا وراهم أساتذة خايبة تتعلم
إزاى نحب الوطن وإمتى نتكلم
طال الصدأ قلبنا ويأسنا من فتحه
قلب الوطن قبلكم كان خاوِ ومضلّم
أولنا فى الجولة لسّه جولة ورا جولة
ده سوس بينخر يابويا فى جسد دولة
أيوه الملك صار كتابة
إنما أبدا لو غفلت عينّا لحظة هيقلبوا العملة
وحاسبوا قوى من الديابة اللى فى وسطيكم
وإلّا تبقى الخيانة منّكم فيكم
الضحكة عالبُق بس الرك ع النيات
فيهم عدوّين أشد من اللى حواليكم










التوقيع

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



  رد مع اقتباس
قديم 25-01-12, 12:42 PM   رقم المشاركة : 2
معلومات العضو
قيصر مصر
كبير مشرفين القسم الاسلامى
 
الصورة الرمزية قيصر مصر
 
إحصائية العضو





قيصر مصر غير متصل

 

افتراضي رد: الثورة بدأت ببيت شعر أبى القاسم الشابى: إذا الشعب يوما أراد الحياة ودخلت عامها ال



ضحكة المساجين
تغازل العصافير.. قضبانها
زنزانة لاجلَك كارهة سجّانها
دُوق زيّنا حلاوة الزنازين
على بُرشَها.. بتمِدّ أطرافك
سجّانك المحتار فى أوصافك
مهما اجتهدْ ماحيعرف انت مين
طوبَى لكل المسجونين باطل
فى زمن.. بيخدعنا وبيماطل
يا شموس بتبرُق فى غُرَف عِتْمين
أما اللى خان وطنَك وأوطانى
م الهيبة.. حاطّينه ف قفص تانى
يصحى وينعس والجميع واقفين
يا دى الميزان اللى طِلعْت لفوق
بينزِّلوك بالعافية أو بالذوق
دول مش بتوع الصدق فى الموازين
الثورة نور.. واللى طفاها خبيث
يرقص ما بين شُهدا وبين محابيس
والدم لسّه مغرَّق الميادين
الحزن طايح فى قلوبنا.. بجدّ
ما فضلْش غير الشوك فى شجر الورد
غِلِط الربيع ودخل فى أغبى كمين
وفى انتظار تيأس مع الأيام
غيرك فى قفصُه بيضربوله سلام
وانت الجزم قبل الكفوف جاهزين
يا عم اقعد بسّ واشرب شاى
الدنيا ماشيه وشعبنا نسّاى
والبركة فى الشاشة وفى الجرانين
واذا هوْهوُوا.. قوم إعلن الأحكام
وكل بُق.. تلجّمه.. بلجام
ومش حتغلب تطبخ القوانين
ويا مصر.. هَدِّى وانتى بتفُوتى
الصوت فى صمتُه.. أعلى من صوتى
آدى السجين اللى ما باتش حزين
واللى يُقف فى وش ثوّارها
ما حيورث إلاّ ذلها وعارها
واللى حيفضل.. ضحكة المساجين
ومصر عارفه وشايفه وبتصبُر
لكنّها ف خَطْفِةْ زمن.. تُعْبُر
وتستردّ الإسم والعناوين







  رد مع اقتباس
قديم 25-01-12, 12:47 PM   رقم المشاركة : 3
معلومات العضو
قيصر مصر
كبير مشرفين القسم الاسلامى
 
الصورة الرمزية قيصر مصر
 
إحصائية العضو





قيصر مصر غير متصل

 

افتراضي رد: الثورة بدأت ببيت شعر أبى القاسم الشابى: إذا الشعب يوما أراد الحياة ودخلت عامها ال









كنا الميدان..
شوق الجرس ردد أدان
لهفة قلوب اطمنت
لما التقت صحبة زمان
والناس فى ثورتنا
لوحديهم زمان
متجمعين.. على باكو بسكوت
يتقسم على 10 شاى
العود.. بيتباهى بغنانا وفرحنا
من وحى ناى
العصر أذن
قمنا صلينا
وسبنا الحلم فى حراسة بشاى
كان يبتسم.. ويقولوا خاين
للقدر
كان يتقسم.. ويقولوا مأجور للبطر
حتى الشجاعة
كانت أجندة للحذر
الأرض صرخت معانا
والنجوم فى السما
والخوف هرب من خطانا
شاف فى الميدان ربنا
روح الأمل دبت فى أوصال الغلابة
زى أول مرة تسمع فيها من بنتك يابابا
اللى وقف.. واللى اشتبك
واللى هتف.. واللى ارتبك
واللى سقى.. واللى رقى
واللى دعا من قلبه
تفرح بينا مصر
واللى رفع على كتفه
أطفال مبسوطين
رافعين علامة النصر
واللى مشى على رجله م التحرير
لحد القصر
والقصد مصر
زغروطة حلوة
من بنت حلوة
حكت الحكاية للقدر
سلم على طول السلام
وقال كلام
ما أبدعه
يا مصر من دون البلاد
بكرة اللى فات
هنرجعه..



خالتك سلمية عايشة
ماتقولش عليها مــاتت
ف الأحداث اللى فاتت
كام واحد طب ساكت
قبـل مايلمس حجـارة

ماتقولش عـاملة عملة
وتجيب م الــزيف وتملا
إسمع حكايتها كامـلة
الظلم ماهوش شطارة

خالتــك سلمية عايشــة
مش ناوية تبقى طايشة
وح تفضل برضه حايشــة
عن أوطــــاننا الخســارة

خالتك سلمـية يــامـا
حـاولوا الناس اللمامة
يبقى طريقها الندامة
بالفتنة المستعـــــارة

خالتك سلمية قـــالت
ياكابات وعيارها فالت
يا طــرف أول وتـــالت
قولوا للجنـرال عمـارة

خالتـــــك سلميـة زاد
شهدائها بناس جداد
وعلاء والشيخ عمــاد
موتهــم أكبـــر أمــارة
خالتك سلمية صابهـا
الطاغى اللى غصبها
اللى سحلها وضربها
وهتك عـرض العذارى
خالتــك سلمية باعهـــا
النــدل اللـى خدعهــــا
سابهــا بتنـــزف وجعها
ف مستشفى الدوبارة
خالتك سلمية معنى
بيهـا العـــالم سمعنا
وح نستحمل وجعنــا
مادام جايبة البشارة

آدى الثورة
وآدى اللى سرقها
وآدى أبطالها وآدى شهدائها
وآدى قلوب الظلم حرقها
علشان شايفة العدل بطىء
وآدى عقول مبقتش تطيق
وتصدق مكر العواجيز
وآدى طريق مش لاقى طريق
وآدى المجرم لسه عزيز
آدى الثورة
وآدى اللى حماها
وآدى اللى مسكها وغماها
وآدى القايل إنه معاها
بيسلمها بالمجان
وآدى سجين وأوامره بتمشى ع السجان
وآدى فلوس بالكوم منهوبة
واللى يغيظك مش بتبان
وآدى النخبة اللى بتتكلم
وماهيش حاسة بالغلبان
وآدى حوار والاسم بيان
بس اللى هيفضل فى الآخر
هو المشهد والعنوان
آدى الثورة
وآدى شبابها
وآدى غضبها
وآدى ميدان

كان صاحبى..
كان صاحب عُمرى ومش هانكر
وبيعرج لما يسنّدنى
ودموعه على كتافى بتنقُر
لو دقنه سابتها توضّينى
أنا فاكر بحّة صوته تمام
وف مدخل بيت بيودّينى
يينده
مايكل.. كله تمام؟
وانا أقولّه «بموت» بينه وبينى
ودموعه تزيد من فوق دقنه
والطوب كان صوته موتّرنى
بيخبّط على باب المدخل
وصديقى بكلمة يصبّرنى
دانا كنت بخاف من دقنك ياض
قلتها وأنا بضحك من خيبتى
وأنا كُنت بحاسب م الأقباط
رديت: ماهو أنت كمان قبطى
وضحكنا شوية
وماسكتناش
قلتله دى مصالحة ومش ببلاش
قام قاللى استرجل
ماتعبناش
وأنا برضه معاك يمكن تهدى
كان صاحب عُمرى ومن ساعتين
سلّمت عليه من هتافاتى
كان اسمه محمد سامى حسين
كان عارف اسمى وكتاباتى
كان صاحبى وأول من شالنى
من بعد أبويا وأنا صغيّر
وربطلى الجرح ويسألنى
تفتكر الدقن دى بتغيّر؟
كان صاحبى وكنت بغنّى كمان
وندهت عليه وهو سايبنى
ماتخافش هاترجع، كله أمان
علشان قدامنا كتير نبنى
كان صاحبى
بكيت من قلبى كتير
على صورته ف ذكرى استشهاده
لو طوّل ف الدنيا دى يومين
أنا كُنت بقيت عَم ولاده

فلان الفلانى
فلان الفلانى اللى كان يومها جنبى
ساعة لما بدأوا فى ضرب الرصاص
فلان الفلانى اللى معرفش اسمه
ودايما بقول يابن عمى وخلاص
فلان اللى سابلى بقيت سندوتشه
ليلة لما شافنى بغنّى وجعان
فلان اللى مش فاكرَه غير شكل وشه
فلان اللى عدانى جوه الميدان
فلان اللى فتشنى بالابتسامه
فلان اللى قال هو فعلا حيمشى؟
فلان اللى قاللى طريق السلامة
ساعة لما قولنا زهقنا وحنمشى
فلان اللى مرضيش ياخد منى أجره
ساعة لما قلت إنى رايح مظاهره
فلان اللى قاللى حيتنحى بكره
وحنفرح ونرقص وراح تبقى سهره
فلان اللى كان بيناولنى القزايز
ويقفلها بعد أما أعبيها جاز
فلان اللى يشرب ويسألنى عايز؟
فلان اللى كان وشه مليان قزاز
فلان اللى مطلعش جوه البرامج
وكان بس صوته فى قلب الهتاف
فلان اللى روح أكل واستحمى
فلان اللى ضايع فى وسط الآلاف
فلان اللى غرقّلى خل الكوفيه
وشالنى ساعة لما جت طلقه فيا
فلان اللى مات يومها تلزمله ديه
من ابن الفلانى اللى كل لحمه حاف.

كتبت دينا عبد العليم

أبطال ساهموا فى التغيير
قائمة الأبطال الذين ساهموا فى صنع التغيير طويلة، بعضها رحل عن دنيانا مثل كامل زهيرى ومحمد عودة ومحسن السيد سعيد ومحمود عوض ومنهم مازال يعطى مثل حمدين صباحى وأبوالعلا ماض





كنا الميدان..
شوق الجرس ردد أدان
لهفة قلوب اطمنت
لما التقت صحبة زمان
والناس فى ثورتنا
لوحديهم زمان
متجمعين.. على باكو بسكوت
يتقسم على 10 شاى
العود.. بيتباهى بغنانا وفرحنا
من وحى ناى
العصر أذن
قمنا صلينا
وسبنا الحلم فى حراسة بشاى
كان يبتسم.. ويقولوا خاين
للقدر
كان يتقسم.. ويقولوا مأجور للبطر
حتى الشجاعة
كانت أجندة للحذر
الأرض صرخت معانا
والنجوم فى السما
والخوف هرب من خطانا
شاف فى الميدان ربنا
روح الأمل دبت فى أوصال الغلابة
زى أول مرة تسمع فيها من بنتك يابابا
اللى وقف.. واللى اشتبك
واللى هتف.. واللى ارتبك
واللى سقى.. واللى رقى
واللى دعا من قلبه
تفرح بينا مصر
واللى رفع على كتفه
أطفال مبسوطين
رافعين علامة النصر
واللى مشى على رجله م التحرير
لحد القصر
والقصد مصر
زغروطة حلوة
من بنت حلوة
حكت الحكاية للقدر
سلم على طول السلام
وقال كلام
ما أبدعه
يا مصر من دون البلاد
بكرة اللى فات
هنرجعه..



خالتك سلمية عايشة
ماتقولش عليها مــاتت
ف الأحداث اللى فاتت
كام واحد طب ساكت
قبـل مايلمس حجـارة

ماتقولش عـاملة عملة
وتجيب م الــزيف وتملا
إسمع حكايتها كامـلة
الظلم ماهوش شطارة

خالتــك سلمية عايشــة
مش ناوية تبقى طايشة
وح تفضل برضه حايشــة
عن أوطــــاننا الخســارة

خالتك سلمـية يــامـا
حـاولوا الناس اللمامة
يبقى طريقها الندامة
بالفتنة المستعـــــارة

خالتك سلمية قـــالت
ياكابات وعيارها فالت
يا طــرف أول وتـــالت
قولوا للجنـرال عمـارة

خالتـــــك سلميـة زاد
شهدائها بناس جداد
وعلاء والشيخ عمــاد
موتهــم أكبـــر أمــارة
خالتك سلمية صابهـا
الطاغى اللى غصبها
اللى سحلها وضربها
وهتك عـرض العذارى
خالتــك سلمية باعهـــا
النــدل اللـى خدعهــــا
سابهــا بتنـــزف وجعها
ف مستشفى الدوبارة
خالتك سلمية معنى
بيهـا العـــالم سمعنا
وح نستحمل وجعنــا
مادام جايبة البشارة

آدى الثورة
وآدى اللى سرقها
وآدى أبطالها وآدى شهدائها
وآدى قلوب الظلم حرقها
علشان شايفة العدل بطىء
وآدى عقول مبقتش تطيق
وتصدق مكر العواجيز
وآدى طريق مش لاقى طريق
وآدى المجرم لسه عزيز
آدى الثورة
وآدى اللى حماها
وآدى اللى مسكها وغماها
وآدى القايل إنه معاها
بيسلمها بالمجان
وآدى سجين وأوامره بتمشى ع السجان
وآدى فلوس بالكوم منهوبة
واللى يغيظك مش بتبان
وآدى النخبة اللى بتتكلم
وماهيش حاسة بالغلبان
وآدى حوار والاسم بيان
بس اللى هيفضل فى الآخر
هو المشهد والعنوان
آدى الثورة
وآدى شبابها
وآدى غضبها
وآدى ميدان

كان صاحبى..
كان صاحب عُمرى ومش هانكر
وبيعرج لما يسنّدنى
ودموعه على كتافى بتنقُر
لو دقنه سابتها توضّينى
أنا فاكر بحّة صوته تمام
وف مدخل بيت بيودّينى
يينده
مايكل.. كله تمام؟
وانا أقولّه «بموت» بينه وبينى
ودموعه تزيد من فوق دقنه
والطوب كان صوته موتّرنى
بيخبّط على باب المدخل
وصديقى بكلمة يصبّرنى
دانا كنت بخاف من دقنك ياض
قلتها وأنا بضحك من خيبتى
وأنا كُنت بحاسب م الأقباط
رديت: ماهو أنت كمان قبطى
وضحكنا شوية
وماسكتناش
قلتله دى مصالحة ومش ببلاش
قام قاللى استرجل
ماتعبناش
وأنا برضه معاك يمكن تهدى
كان صاحب عُمرى ومن ساعتين
سلّمت عليه من هتافاتى
كان اسمه محمد سامى حسين
كان عارف اسمى وكتاباتى
كان صاحبى وأول من شالنى
من بعد أبويا وأنا صغيّر
وربطلى الجرح ويسألنى
تفتكر الدقن دى بتغيّر؟
كان صاحبى وكنت بغنّى كمان
وندهت عليه وهو سايبنى
ماتخافش هاترجع، كله أمان
علشان قدامنا كتير نبنى
كان صاحبى
بكيت من قلبى كتير
على صورته ف ذكرى استشهاده
لو طوّل ف الدنيا دى يومين
أنا كُنت بقيت عَم ولاده

فلان الفلانى
فلان الفلانى اللى كان يومها جنبى
ساعة لما بدأوا فى ضرب الرصاص
فلان الفلانى اللى معرفش اسمه
ودايما بقول يابن عمى وخلاص
فلان اللى سابلى بقيت سندوتشه
ليلة لما شافنى بغنّى وجعان
فلان اللى مش فاكرَه غير شكل وشه
فلان اللى عدانى جوه الميدان
فلان اللى فتشنى بالابتسامه
فلان اللى قال هو فعلا حيمشى؟
فلان اللى قاللى طريق السلامة
ساعة لما قولنا زهقنا وحنمشى
فلان اللى مرضيش ياخد منى أجره
ساعة لما قلت إنى رايح مظاهره
فلان اللى قاللى حيتنحى بكره
وحنفرح ونرقص وراح تبقى سهره
فلان اللى كان بيناولنى القزايز
ويقفلها بعد أما أعبيها جاز
فلان اللى يشرب ويسألنى عايز؟
فلان اللى كان وشه مليان قزاز
فلان اللى مطلعش جوه البرامج
وكان بس صوته فى قلب الهتاف
فلان اللى روح أكل واستحمى
فلان اللى ضايع فى وسط الآلاف
فلان اللى غرقّلى خل الكوفيه
وشالنى ساعة لما جت طلقه فيا
فلان اللى مات يومها تلزمله ديه
من ابن الفلانى اللى كل لحمه حاف.

كتبت دينا عبد العليم

أبطال ساهموا فى التغيير
قائمة الأبطال الذين ساهموا فى صنع التغيير طويلة، بعضها رحل عن دنيانا مثل كامل زهيرى ومحمد عودة ومحسن السيد سعيد ومحمود عوض ومنهم مازال يعطى مثل حمدين صباحى وأبوالعلا ماضى وعبد المنعم أبوالفتوح والدكتور محمد غنيم والدكتور محمد أبوالغار وچورچ اسحق وأحمد بهاء الدين وشعبان وغيرهم.

ى وعبد المنعم أبوالفتوح والدكتور محمد غنيم والدكتور محمد أبوالغار وچورچ اسحق وأحمد بهاء الدين وشعبان وغيرهم.








  رد مع اقتباس
قديم 25-01-12, 12:53 PM   رقم المشاركة : 4
معلومات العضو
قيصر مصر
كبير مشرفين القسم الاسلامى
 
الصورة الرمزية قيصر مصر
 
إحصائية العضو





قيصر مصر غير متصل

 

افتراضي رد: الثورة بدأت ببيت شعر أبى القاسم الشابى: إذا الشعب يوما أراد الحياة ودخلت عامها ال



أبطال ساهموا فى التغيير
قائمة الأبطال الذين ساهموا فى صنع التغيير طويلة، بعضها رحل عن دنيانا مثل كامل زهيرى ومحمد عودة ومحسن السيد سعيد ومحمود عوض ومنهم مازال يعطى مثل حمدين صباحى وأبوالعلا ماضى وعبد المنعم أبوالفتوح والدكتور محمد غنيم والدكتور محمد أبوالغار وچورچ اسحق وأحمد بهاء الدين وشعبان وغيرهم.



خالد سعيد
كان الصرخة التى انطلقت من أفواه كل المصريين فى وقت واحد، بعد سنوات من التحمل والصبر، خالد سعيد ذلك الشاب السكندرى، الذى تألمت مصر كلها بقتله على يد زبانية الداخلية الذين لم يكتفوا بقتله وتعذيبه، بل حاولوا تشويه صورته، فقالوا عنه «صايع وبتاع بانجو»، لكن وجهه البرىء ظل صامدا أمام هذه التهم الباطلة، فتحول الشهيد من مجرد «واحد من بين كتير ماتوا بعد تعذيبهم»، إلى أيقونة الثورة المصرية، التى انطلقت للمطالبة بإسقاط النظام.



سيد بلال
قد نتفق أو نختلف فى الفكر، لكن من المستحيل أن نختلف على الظلم، فالحلال بين والحرام بين، وهذا ما يجمع بين الشهيدين خالد سعيد وسيد بلال، فكلاهما قتل بعد تعذيب رجال الداخلية، ومن المستحيل أن تكون مع قتل سيد بلال بالطريقة الوحشية التى قتل بها، بعد اتهامه فى قضية تفجير كنيسة القديسين، التى وقعت بداية عام 2011، وتم تعذيبه حتى مات يوم 6 يناير، أى قبل الثورة المصرية بـ 19 يوما فقط، وكان موته فاجعة أخرى فى قلب الوطن.



محمد البرادعى
أثير حوله الكثير من اللغط، وتعمد النظام السابق قبل أن يسقط تشويه صورته بكل الطرق الممكنة، لكنه كان دائما بمثابة الطبيب الماهر الذى لا يخطئ التشخيص ووصف الدواء، فكان البرادعى أول من أطلق دعوة التظاهر، وقال إن النظام لن يسقط إلا عندما يخرج كل المصريين إلى الشارع، وظل يعمل من خلال الجمعية المصرية للتغير، وبالفعل حدث ما دعا إليه البرادعى وخرج المصريون فى 25 يناير، وأسقطت الثورة المصرية النظام، وظل البرادعى يعمل وأعلن عن نيته فى الترشح للرئاسة ثم أعلن انسحابه مؤكدا من خلال خطاب وجهه للمصريين أنه سيظل وسطهم، لكنه اكتشف أنه سيخدم المصريين بشكل أفضل لو بقى مواطنا مثلهم، وبالطبع لم ينته الجدل حوله حتى الآن، لكن لا يستطيع أحد إنكار دوره فى التغيير.



عبدالوهاب المسيرى وأسامة أنور عكاشة
المسيرى، الذى فارق الحياة فى 2008، لا يستطيع أحد إنكار دوره فى الحياة المصرية، فقد كان أبرز المعارضين لنظام مبارك، وتولى منصب المنسق العام للحركة المصرية من أجل التغيير «كفاية» وهى الحركة التى حركت الثورة المصرية، وسعت قبل ذلك لإسقاط نظام مبارك من الحكم بالطرق السلمية ومعارضة تولى ابنه جمال مبارك منصب رئيس الجمهورية من بعده، وكذلك الكاتب الكبير أسامة أنور عكاشة، الذى رحل عن عالمنا فى مايو 2010، وكان معروفا بمعارضته الدائمة للنظام، من خلال ما يكتب من مقالات وآراء.



وائل غنيم
رآه البعض من قيادات ثورة الشباب لكنه سمى نفسه فى تصريح صحفى «مناضل كيبورد»، حيث كان مدير صفحة الفيس بوك «كلنا خالد سعيد» والتى كانت أحد الأسباب الرئيسية لإشعال الثورة، اعتقلته السلطات المصرية بعد يومين من اندلاع الثورة، وظل مغمض العينين لمدة 12 يوما، وفجر مشاعر كل من شاهده فى إحدى القنوات الفضائية بعد الإفراج عنه وهو يبكى على أرواح الشهداء ويعتذر لأهاليهم، والجميل أنه يحب دائما العمل فى صمت بعيدا عن الأضواء والكاميرات.



أحمد حرارة
طبيب الأسنان الشاب الذى فقد عينه الأولى برصاص القناصة يوم 28 يناير 2011، والثانية فقدها فى 19 نوفمبر من نفس العام، ليقول بعدها تعليقا على ذلك «أعيش أعمى وأنا رافع راسى أحسن ما أعيش مفتح وأنا عينى مكسورة»، وأصر حرارة على رفض أى مساعدات مادية لعلاجه، قائلا: «سأتكفل بمصاريف علاجى حتى لا أحصل على مقابل لما قدمته لبلاد».



علاء عبدالفتاح
صاحب «ضحكة المساجين»، مدون ومبرمج وناشط حقوقى مصرى اعتقل فى 30 أكتوبر 2011، وصدر قرار بحبسه على ذمة التحقيق 15 يوما فى النيابة العسكرية، على خلفية اتهامه بالتحريض والاشتراك فى التعدى على أفراد القوات المسلحة وإتلاف معدات تخص القوات المسلحة والتظاهر والتجمهر وتكدير الأمن والسلم العام فى أحداث ماسبيرو، وأثناء حبسه رزق بأول ولد وأطلق عليه اسم «خالد»، وأفرج عنه فى ديسمبر 2011.



عبدالحليم قنديل وعبدالرحمن يوسف
قنديل هو المنسق العام للحركة الوطنية من أجل التغير «كفاية»، وكان من أشد المعارضين لنظام مبارك، وأصدر العديد من الكتب التى تمت مصادرتها ومنعت من النشر، لأنها كانت تهاجم الرئيس المخلوع مبارك، ومنها «الأيام الأخيرة» و«العصيان هو الحل»، وامتد قهر النظام السابق إلى عبدالحليم قنديل حين تم القبض عليه واقتياده إلى الصحراء وتركه عاريا أما عبدالرحمن يوسف فعمل منسقا عاماً لحملة البرادعى رئيسا واشتهر قبل الثورة كشاعر معارض للنظام الحاكم فى مصر، وله قصائد جريئة فى هجاء الرئيس المصرى السابق حسنى مبارك منها: «الهاتك بأمر الله» و«مسبحة الرئيس».



شهداؤنا الأبرار.. شكرا
شهداؤنا الأبرار كل عام وأنتم بسلام.. قدمتم أرواحكم لمصر لنستمد نحن الأحياء منها القوة والصلابة، بقدوم عام جديد تقبلوا منا باقة من الزهور، كل كلمات الشكر والعرفان لن تكفيكم، كنتم لنا بمثابة الشموع التى أنارت طريقنا طوال الأشهر الماضية، وستظل صوركم محفورة فى قلوبنا.



أحمد بسيونى شهيد يناير
قبل صلاة الجمعة يوم 28 يناير كتب على صفحته بموقع الفيس بوك «عندى أمل كبير فى الناس أن تستمر فى المطالبة بحقوقها، وتأكيد لسلمية المظاهرات فى التحرير مقابل إرهاب الشرطة»، بعدها ذهب لصلاة الجمعة، ثم عاد ليوصى ابنه الصغير آدم «4 سنوات» على والدته وأخته، قال له آدم «بابا خدنى معاك المظاهرات عاوز أعمل زيك»، فرد بسيونى «آدم خذ بالك من ماما وأختك سلمى.. بكره هاتكبر وتعمل أحسن من اللى أنا بعمله»، ودعهم وخرج ومات.



عبدالكريم رجب
شاب إخوانى كان يشعر بقرب الشهادة، فكتب رسالتين الأولى لوالدته والثانية لأصدقاء الميدان، ثم ذهب إلى موقعة الجمل، تقدم الصفوف ومات، طلب فى رسالته من والدته ألا تغضب منه، وتدعو له، وطلب من أصدقائه مسامحته إن كان يوما كلفهم بأكثر ما فى وسعهم، وأكد لهم أنه ينتظرهم فى الجنة.

على ماهر
طالب فى الثانوية العامة، عمره 17 عاما، كان يحلم وسط المصريين بالحرية والتغيير الكامل، لذلك كان دائما فى الميدان حتى بعد تنحى مبارك، وقتل برصاصة غدر فجر يوم السبت 9 أبريل فى ميدان التحرير، عقب جمعة التطهير، التى راح ضحيتها اثنان من ضباط الجيش بالإضافة إلى الشهيد على ماهر واعتقل 41 شخصا.

محمد محسن
شاب مصرى يبلغ من العمر 23 عامًا، يسكن بمحافظة أسوان ويدرس بكلية التعليم الصناعى بجامعة سوهاج، كان يعمل أثناء العطلة الصيفية لينفق على نفسه، وأصبح عضوًا ناشطًا فى ائتلاف شباب الثورة، واشترك بمسيرة العباسية السلمية فى يوليو الماضى للمطالبة بمحاكمة قتلة الشهداء واستكمال تحقيق كل مطالب الثورة، لكنه قتل فى الأحداث.

مصطفى يحيى
قتل فى أحداث السفارة الإسرائيلية ليلة الجمعة 9/9/2011، وبعد وفاته قالت والدته فى تصريحات صحفية لـ«اليوم السابع» إن ابنها يبلغ من العمر 24 عاما، وإنه لم يكمل تعليمه الثانوى، وإن والده متوفى منذ 12 عاما وترك لها ثلاثة أولاد وبنتا، قامت بتربيتهم، مضيفة أن مصطفى كان الابن المدلل، خاصة أن شقيقه الأكبر الذى يبلغ من العمر 32 عاما مريض نفسيا.

مينا دانيال.. فرحتى فى الحرية
كان يكتب على جدران غرفته.. إنى أتنفس حرية.. لذلك أبى أن يموت إلا بعد أن يتجرع من هواء الحرية الغالية نسمات ونسمات، فى مقابلة وحيدة أجراها «جيفارا الثورة المصرية» مع الإعلامى وائل الإبراشى، قال مينا إنه لم يلتزم بأمر البابا بعدم النزول إلى التظاهر يوم 25 يناير، مؤكدا أن سلطة البابا روحية فقط وليست سياسية، كما كان يتمنى أن نصلح التعليم ونقضى على البطالة، وكان لا يتضايق من شىء أكثر من تضايقه ممن يتحدثون عن الحماية الدولية لأقباط مصر، قائلا لأمه «لو فعلا جابوا حماية دولية على مصر هكون أول واحد يحاربها، أو هاقتل نفسى».

الشيخ عماد عفت
شيخ الشهداء وفقيه الميدان، الثائر الحق الذى كان يريد أن يرى بلده تهدم الفساد حتى تستطيع أن تبنى الأمجاد، ولأنه كان يرى أن الفساد لم يهدم بعد كان يحرص كل الحرص على الذهاب إلى ميدان التحرير والتظاهر مع المتظاهرين رافعا من روحهم المعنوية وضاربا مثلا فى الشجاعة والإقدام.

علاء عبدالهادى.. فرحتى فى جواز الشباب
على صفحته على «فيس بوك» كتب الشهيد علاء عبدالهادى: «نفسى أتجوز قبل ما أموت» وكان يومها حاضرا فرح أحد أصدقائه، فقد كان رحمه الله يحب الأفراح، ويحب أن يذهب إليها، فاملأوا أيامكم أفراحا، واسعدوا بالذهاب إلى أفراح ذويكم، واعملوا على أن تملأ الأفراح بيوتنا، وادعوا الله أن يبارك فى كل اثنين يتحابان، وأن ينولا ما يحقق أمنياتهما.







  رد مع اقتباس
قديم 25-01-12, 01:06 PM   رقم المشاركة : 5
معلومات العضو
قيصر مصر
كبير مشرفين القسم الاسلامى
 
الصورة الرمزية قيصر مصر
 
إحصائية العضو





قيصر مصر غير متصل

 

افتراضي رد: الثورة بدأت ببيت شعر أبى القاسم الشابى: إذا الشعب يوما أراد الحياة ودخلت عامها ال



أطلبوا وإدعوا وألحوا على الله بأن يرزقكم الشهادة

(وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللَّهُ مِنْ فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِمْ مِنْ خَلْفِهِمْ أَلَّا خَوْفٌ عَلَيْهِمْ وَلَا هُمْ يَحْزَنُونَ * يَسْتَبْشِرُونَ بِنِعْمَةٍ مِنَ اللَّهِ وَفَضْلٍ وَأَنَّ اللَّهَ لَا يُضِيعُ أَجْرَ الْمُؤْمِنِينَ )

هذه الآيات الكريمة فيها فضيلة الشهداء وكرامتهم، وما منَّ الله عليهم به من فضله وإحسانه، وفي ضمنها تسلية الأحياء عن قتلاهم وتعزيتهم، وتنشيطهم للقتال في سبيل الله والتعرض للشهادة، فقال: ولا تحسبن الذين قتلوا في سبيل الله أي: في جهاد أعداء الدين، قاصدين بذلك إعلاء كلمة الله أمواتا أي: لا يخطر ببالك وحسبانك أنهم ماتوا وفقدوا، وذهبت عنهم لذة الحياة الدنيا والتمتع بزهرتها، الذي يحذر من فواته، من جبن عن القتال، وزهد في الشهادة. بل قد حصل لهم أعظم مما يتنافس فيه المتنافسون. فهم أحياء عند ربهم في دار كرامته.

ولفظ: عند ربهم يقتضي علو درجتهم، وقربهم من ربهم، يرزقون من أنواع النعيم الذي لا يعلم وصفه، إلا من أنعم به عليهم، ومع هذا فرحين بما آتاهم الله من فضله أي: مغتبطين بذلك، قد قرت به عيونهم، وفرحت به نفوسهم، وذلك لحسنه وكثرته، وعظمته، وكمال اللذة في الوصول إليه، وعدم المنغص، فجمع الله لهم بين نعيم البدن بالرزق، ونعيم القلب والروح بالفرح بما آتاهم من فضله: فتم لهم النعيم والسرور، وجعلوا يستبشرون بالذين لم يلحقوا بهم من خلفهم أي: يبشر بعضهم بعضا، بوصول إخوانهم الذين لم يلحقوا بهم، وأنهم سينالون ما نالوا، ألا خوف عليهم ولا هم يحزنون أي: يستبشرون بزوال المحذور عنهم وعن إخوانهم المستلزم كمال السرور

يستبشرون بنعمة من الله وفضل أي: يهنىء بعضهم بعضا، بأعظم مهنأ به، وهو: نعمة ربهم، وفضله، وإحسانه، وأن الله لا يضيع أجر المؤمنين بل ينميه ويشكره، ويزيده من فضله، ما لا يصل إليه سعيهم.

وفي هذه الآيات إثبات نعيم البرزخ، وأن الشهداء في أعلى مكان عند ربهم، وفيه تلاقي أرواح أهل الخير، وزيارة بعضهم بعضا، وتبشير بعضهم بعضا.
تفسير السعدي

اللهم أجعلنا ممن تنطبق عليهم الأيه

اللهم أرزقنا الشهادة

اللهم أمين
اللهم أمين
اللهم امين



شكرا لكل من ساهم ولو بكلمة لرفع قبمة مصروشأنهابين الامم كما نشكر المصادر التى تم الاستعانة بها فى هذا الموضوع ....هيا اطلبوا معى الشاهدة وقراءة الفاتحة على روح شهداء الثورة







  رد مع اقتباس
إضافة رد


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +3. الساعة الآن 09:21 PM.


Powered by vBulletin® Version 3.8.5
Copyright ©2000 - 2024, Jelsoft Enterprises Ltd.
جميع الحقوق محفوظة لنا (منتديات أوس سات)
Protected by CBACK.de CrackerTracker
جميع الاراء تعبر عن رأى صاحبها والمنتدى غير مسئولا عنها
العضو مسئولا عن رأيه مسئولية كاملة